9 oktyabr, 2008
“Azadlıq” qəzetinin Baş direktoru Azər Əhmədov məhkəmə orqanlarının qəzetin bank hesablarına qoyulmuş həbs qərarının dondurulmasını qarşıdan gələn prezident seçkiləri ilə əlaqələndirib. “Women’s Media Watch”-a verdiyi müsahibəsində Azər Əhmədov bu qərarı “müvəqqəti” adlandıraraq, seçkilərdən sonra yenidən bərqərar olacağını istisna etməyib. Azər Əhmədovun sözlərinə görə 2006-cı ilin noyabrından bəri “Azadlığ”-a qarşı kəsilən məhkəmə cərimələrinin ümumi məbləği 150 min AZN təşkil edir. Buraya Bakı şəhər icra hakimiyyəti, rayon icra hakimiyyətləri, Müdafiə və Daxili işlər nazirliyi məmurları tərəfindən qaldıralan məhkəmə işləri daxildir.
Yeni Müsavat qəzetinin baş redaktoru Rauf Arifoğlu məhkəmə cərimələrinin dondurulmasını müsbət qiymətləndirib. Arifoglu bu cərimələrin ləğvi üçün 5 ildən bəri çalışdığını deyərək, qərarın onda qəfil, lakin xoş təəccüb doğurduunu deyib. Onun sözlərinə görə, Yeni Müsavat qəzetinin 2003-cü ildən bəri ödənilməmiş məkhəmə cərimələrinin ümumi məbləqi 25 000AZN təşkil edir. Arifoglu son 5 il ərzində qəzetin 176 000 AZN cərimə ödədiyini vurğulayıb. Bu, 5 il ərzində Sərhəd Qoşunlarl Xidməti, Müdafiə nazirliyi, məktəb müəllimi tərəfindən qaldlrılan məhkəmə işləridir.
