1 avqust, 2008
"Women's Media Watch" Azərbaycan qadın jurnalistlər birliyinin rəhbərliyi Türkiyə Cümhuriyyətinin Azərbaycandakı səfirliyinin mətbuat müşaviri Bülent Uğurla görüşüb. Görüşdə Türkiyə-Azərbaycan münasibətlərinin inkişafında mətbuat və vətəndaş cəmiyyətinin rolu müzakirə olunub.
Elçilik yetkilisi Türkiyə hökumətinin "Azərbaycan-Türkiyə mətbuatı" konfransı da daxil olmaqla, Azərbaycan mətbuat nümayəndələri üçün tədbirlər keçirməkdən məqsədin Türkiyə təcrübəsinin dost ölkədə öyrənilməsi olduğunu deyib: "Biz istəyirik ki, Türkiyə təcrübəsi burada da öyrənilsin və arzu edildiyi təqdirdə tətbiq olunsun".
Türkiyə Basın-Elan Kurulu (BEK) təskilatına toxunan Bülent Uğur bu qurumun Azərbaycanda diqqətlə öyrənildiyini deyib: "BEK dövlət təskilatlarinin mətbuatdakı elanlarini ədalətli səkildə paylaşdırılmasını təmin edir. Dövlət qurumları elanları yerləşdirmək üçün birbasa qəzetlərə deyil, BEK-ə müraciət etmək məcburiyyətindədirlər. Bölgünün ədalətsiz edildiyini iddia edənlər sikayət edə bilərlər. Regional mətbuatla baglı məsələləri BEK-in regional söbələri tənzimləyir."
Mətbuat müşaviri Türkiyədə mətbuatla bağlı məsələlərin ictimai qurum tərəfindən tənzimləndiyini vurğulayıb: "Basin-Yayın Enformasion Genel Müdürlüyü Türkiyədə mətbuatla baglı bütün məsələləri tənzimləyir. Azərbaycanda isə xarici KIV-lərlə baglı məsələləri Xarici işlər nazirliyi, yerli KIV-lərlə əlaqədar məsələləri isə Mətbuat Surasi tənzimləyir." Bülent Uğur qurumun əvvəllər jurnalistlərin sosial məsələlərini də həll etməyə çalışdığını, daha sonralar bu təcrübənin özünü doğrultmadığını deyib: "Əvvəllər Turkiyədə sarı və mavi mətbuat kartı olan jurnalistlərin dövlətə məxsus maşin dayanacaqlarindan, səhəriçi avtobuslardan pulsuz, olkəiçi təyyarə reyslərindən 30 faiz güzəst kimi imtiyazları vardı. Türkiyədə özəlləşmə aparıldıqca, bu imtiyazlar ləgv edildi. Ilk vaxtlar bu addimlar jurnalist ictimaiyyəti tərəfindən mənfi qasilandi, amma sonralar bu fikirlər aradan qalxdi, çünki jurnalist olmayanlar da sarı mətbuat kartı almaga çalişir və əksinə jurnalist oldugu halda bu karti ala bilməyənlər vardi." Mətbuat müşaviri beynəlxalq təcrübənin ölkədən-ölkəyə fərqləndiyini, lakin mətbuat qurumlarının sosial məsələlərdənsə birbaşa vəzifələri ilə məşğul olmasının daha məqsədəuyğun olduğunu deyib.
